Avtoreyd.az bildirir ki, hadisə Hindistanda, Bengal ştatında baş verib. Daha dəqiq desək, Calpayquri rayonunun Lataguri şəhəri yaxınlığındakı meşə yolunda. Sadiq Rəhman adlı 40 yaşlı bank mühafizəçisi 31-ci avtomagistralda yolu keçməklə tıxaca səbəb olan filin şəklini çəkmək fikrinə düşüb.
Hindli heyvana baxmaq və onunla şəkil çəkdirmək üçün filə maksimal dərəcədə yaxın məsafəyə gəlib. Görünür foto həvəskarının fikri filin zövqüncə olmayıb. Belə ki, heyvan foto həvəskarıyla hesablaşmağa qərar verib və onu xortumuyla amansızcasına vurmağa başlayıb.
Sadiq Rəhman aldığı xəsarətlərdən yerindəcə keçinib. Qatil fil isə 15 dəqiqə sonra yaxınlıqdakı meşədə yoxa çıxıb.
Hindistanın meşə təsərrüfatı üzrə dövlət departamentinin hesabatına görə ötən il fillərlə insanlar arasında baş verən insident zamanı 84 nəfər həlak olub. Bir neçə fil isə qatarla toqquşma zamanı ölüb.
