Çinin şərqində Lianyungang şəhərində hər gün işə gedərkən mindiyi avtobusun yol ayrıcında gözləməsindən bezən şəxs yol işarələrini dəyişdirməyə çalışıb. Onun bu hərəkəti təhlükəsizlik kameraları tərəfindən görüntülənib.
Nəqliyyatın istiqamətini dəyişmək üçün ağ boya ilə fərqli yöndə oxlar çəkən Cai baş verənlərlə əlaqədar polisə belə deyib: «Düz gedən avtobuslar çox gözləməli idi. Ancaq solda dönsələr yol həmişə boş olur. Nəqliyyatın yolunu dəyişdirsəm, hər gün işə daha rahat gedib-gələrəm, – deyə düşündüm».
Hüquqmühafizəçilər isə Cainin maşınların toqquşması ilə nəticələnəbiləcək çox təhlükəli bir iş gördüyünü və oxların yönünün əvvəlki halına gətirildiyini bildirib. 28 yaşlı Cai 1000 yuan (təqribən 150 dollar) cərimələnib./faktxəbər
