Avtoreyd.az bildirir ki, “Avroviziya-2018”in təşkilatçıları Portuqaliyanın paytaxtı Lissabon şəhərində keçiriləcək, beynəlxalq mahnı müsabiqəsinin iştirakçılarının çıxacağı səhnənin eskizini təqdim edib.
“Avroviziya-2018” müsabiqəsinin saytında bildirilir ki, yarışmanın əsas səhnəsinin dizaynı, 2017-ci ildə Kiyevdə gerçəkləşən müsabiqə də daxil olmaqla, əvvəllər də Avroviziyanın bir neçə layihəsinə cavabdeh, Florian Veder tərəfindən hazırlanıb.
“Bu dəfə onu müsabiqəyə ev sahibliyi edəcək ölkənin tarix və mədəniyyətini əks edən gəminin korpusu ilhamlandırıb”, – xəbərdə belə deyilir.
Səhnə “Okean” üslubunda hazırlanacaq. Müsabiqənin keçirildiyi məkan-Meo Arena səhnəsi ölçüsünə görə Avropada üçüncü, Portuqaliyada isə ən böyük örtülü stadiondur.
Qeyd edilir ki, Meo Arena 20 min tamaşaçı tutumuna malikdir.
Müsabiqənin loqotipi dəniz balıqqulağını xatırladır və rəsmi şüarı da belədir: “Hamı göyərtəyə!”.
