Avtoreyd.az bildirir ki, 8 tonluq yük maşını Tatra 810 4×4 Libros Ostrava poliqonunda yerləşən, dünyanın ən yüksək baryeri hesab edilən Brutt Monsteri fəth edib. Xatırladaq ki, daha əvvəl bu maneəni çəkisi kifayət qədər yüngül olan, ancaq bir neçə minik avtomobili aşa bilib.
Çexlər bu hadisəni dünya rekordu adlandırıblar.
Brutt Monster-in ümumi konstruksiyası 40 tondur, uzunluğu 33 metr, daxili eni 2,4 metr, maksimal hündürlüyü 7,5 metr, qalxma və eniş bucağı isə müvafiq olaraq 45 və 55 dərəcə təşkil edir.
Qeyd edək ki, Libros Ostrava poliqonundan, xüsusi xidmət orqanları və güc strukturları üçün sürücülərin hazırlığı məqsədi ilə istifadə olunur.
