Avtoreyd.az bildirir ki, Almaniya vətəndaşı yarım ildir ki, Meksikanın Kankun şəhərinin aeroportunda yaşayır. Səbəb isə onun qarət olunmasıdır.
72 yaşlı İnqrid iyunun 16-da müəllifi olduğu kitabı patentləşdirmək üçün Meksikaya gəlib. Lakin uçuşdan dərhal sonra naməlum şəxslər yaşlı qadının bütün əşyalarını oğurlayıblar. Bundan sonra o, aeroportun terminalında yaşamağa və qalıqlarla qidalanmağa məcbur olub.
Almaniyalı təqaüdçü noyabrın 16-na kimi Meksikanı tərk etməli idi, ancaq frau İnqrid, əmlakı qaytarılmayana qədər ölkəni tərk etməkdən imtina edib.
