Goranboyda qatı duman avtomobil yollarında çətinliklərə səbəb olub.
AvtoReyd.Az “Report”a istinadən verdiyi məlumatına görə, gecə saatlarından etibarən Bakı-Qazax avtomagistralının Goranboydan keçən hissəsində əmələ gələn qatı duman avtomobillərin hərəkətində qismən problemlər yaradıb.
Havanın qəfil dəyişməsi ərazidə hərəkət edən avtomobil sahiblərini sürəti azaltmağa və bəzilərini isə maşını yol kənarında saxlayaraq gözləməyə vadar edib. Sürücülər uzaq vuran işıqlardan istifadə etmək məcburiyyətində qalıblar ki, bu da gediş-gəliş üçün əlavə problemlər yaradıb. Ərazidə olan sürücülərin bildirdiyinə görə, qatı duman yüngül qəzalara da gətirib çıxarıb.
