Avtoreyd.az bildirir ki, Braziliyada yolda “Supermen pozasında” başının köməyi ilə nəqliyyat vasitəsi idarə edən şəxs həbs edilib.
Motosikletçinin yanından keçən avtomobildəki sərnişinlərdən biri tərəfindən çəkilən video “A Voz de Annapolis” qəzetinə göndərilib. Redaksiya da materialı Facebook səhifəsində yerləşdirib.
Qanun keşikçiləri sosial şəbəkədə dərc edilən videoçarxı tədqiq etdiqdən sonra, gənci həbs ediblər. Onu ətrafdakıların həyatı üçün təhlükə yaratmaqda, həmçinin motosikleti seriya nömrəsi və sürücülük vəsiqəsi olmadan idarə etməkdə ittiham ediblər. Polis “fəndgiri” girov müqabilində buraxmağa hazırlaşır.
