Avtoreyd.az bildirir ki, çəkic və daşyonanla silahlanmış şəxs Əlcəzairin şimalındakı Sətif şəhərində, fəvvarə üzərində yerləşən heykələ hücum edib. Yoldan keçənlər həmin şəxsin həbs olunanadək, qadın heykəlinin üzünü və sinəsini dağıtdığının şahidi olublar.
Qeyd edək ki, Əyn-Əl-Fuara heykəlinin (dilimizə tərcümədə “fəvvarənin mənbəyi” deməkdir) müəllifi, fransız heykəltəraşı Frensis de Saint-Vidaldır.1898-ci ildə açılışı olan sənət əsəri, o vaxtdan bəri yerli əhali arasında populyar olduğundan, Sətif şəhərinin rəmzi abidəsinə çevrilib.
Xatırladaq ki, bu, ilk belə hal deyil ki, Əyn-Əl-Fuara fəvvarəsi mübahisələrə səbəb olur. Belə ki,1997-ci ildə aprelin 22-də çılpaq qadın heykəli əldəqayırma bomba ilə zədələnib. 2006-cı ilin fevral ayının 28-də isə heykəl əli çəkicli şəxsin hücumuna məruz qalıb. Hər bir hücumdan sonra Əyn-Əl-Fuara əsaslı təmir olunub.
