Avtoreyd.az bildirir ki, amerikalı fermer Dastin Pillard yetişdirdiyi mini-inək cinsi ilə bağlı sifarişlərin qəbuluna başlayıb. Cırtdan inək cinsindən olan heyvanlar görünüşünə görə orta ölçülü it boydadırlar. Fermerin sözlərinə görə, bir çox insan bu cinsdən olan inəkləri, sevimli ev heyvanı kimi saxlamaq da istəyər.
Qeyd edək ki, 46 yaşlı Dastin Pillard inəklərin ölçüsünü təxminən üç dəfə kiçildə bilib. Bunun üçün fermerə uzun illər ərzində çalışmaq lazım gəlib. İndi artıq mini-cins inəkləri evdə və ya mənzildə də saxlamaq olar.
Ən böyük cırtdan inəyin boyu 90 santimetri ötmür, amma adətən bu cins heyvan 70-80 santimetr olur. 46 yaşlı fermerin sözlərinə görə, sağlamlıq baxımından mini-inəklər adi inəkdən, heç nəylə fərqlənmir.
