8-ci sinif şagirdi olan Hümbət Kərimli qeyri-adi istedadı ilə yaşıdlarından fərqlənir. 13 yaşlı məktəblinin çəkdiyi rəsmlər görənlərin marağına səbəb olur. O, xarici ölkə istehsalı olan avtomobillərin dizaynını da hazırlmağa başlayıb. Onun hazırladığı dizaynlar qısa müddətdə sosial şəbəkələrdə məhşurlaşmağa başlayıb. Bu istedadlı yeniyetməni siz də tanıyın.
13 yaşı var, amma müxtəlif avtomobillərin dizaynını hazırlayır.
Söhbət paytaxtın Binəqədi rayonu Biləcəri qəsəbəsində yaşayan Hümbət Kərimlidən gedir. 299 saylı tam orta məktəbin 8-ci sinif şagirdi olan Hümbət uşaq yaşlarından başlayaraq rəsm çəkməyə maraq göstərib.
Sonradan isə Fikrət Əmirov adına 6 saylı onbirillik uşaq incəsənət məktəbinin rəsm dərnəyinə yazılıb. Hümbət Kərimli bundan sonra biliklərini daha da möhkəmləndirib və xarici ölkə istehsalı olan avtomobillərin dizaynını hazırlmağa başlayıb.
Hümbət rəsmləri həm karandaşla, həm də yağlı boya ilə çəkir. Rəsmləri ilə bir neçə sərgidə mükafat da qazanıb.
Hümbət Kərimli avtomobil dizynı üzrə ali təhsil almaq niyyətindədir. Lakin avtomobillərlə yanaşı digər şəkilləri də çəkməyə davam edəcəyini bildirir.
