Ralli üzrə Avropa çempionu Yan Kopetski, taksi dayanacaqlarında duran, heç nədən xəbərsiz insanları avtomobilə əyləşdirərək, Praqa şəhərində dövrə vurub.
AvtoReyd.Az–ın məlumatına görə, Çexiya paytaxtında qeyri-adi aksiyanı, “Şkoda” avtomobil şirkəti təşkil edib.
Sürücü qismində isə Avropa və Çexiyanın beşqat çempionu çıxış edib. İnsanlar özləri də bilmədən, yarış bolidi Şkoda Fabia R5-ə əyləşiblər.
23 sərnişinin hər biri özünü, həm də şturman rolunda hiss edib. Sərnişinlər hətta, onlara sürücülük edən Kopetski üçün əfsanə də oxumalı olublar.
Praqa küçələrindəki bu maraqlı gəzinti, Avropa çempionunun özünün də xoşuna gəlib.
