Qozbel balina üzgüçü qadını köpək balığından xilas edib. The Independent-in məlumatına görə, hadisə Sakit okeanın cənub hissəsində Kuka adasının yaxınlığında baş verib.
Bildirilir ki, Nen Hauzer balina ilə «ünsiyyətdə» imiş və köpək balığının ona yaxınlaşdığını görməyib. Yırtıcı balığı görən balina üzgəcləri ilə qadının müdafiəsinə başlayır. Hətta bir dəfə o, 63 yaşlı Hauzeri belində suyun səthinə qaldırır.
Qadının sözlərinə görə, həmin vaxt yanlarında daha bir balina var idi və o da köpək balığını uzaqlaşdırmağa çalışırdı.
Hauzer hesab edir ki, bu balinaların digər canlıları qoruma instiktini sübut edir. Lakin ilk dəfədlir ki, balinanın insanı qoruduğu qeydə alınır. /faktxəbər
