Avtoreyd.az bildirir ki, Səudiyyə Ərəbistanının Ciddə şəhərində, yerli qadınlar üçün ilk avtosalon fəaliyyətə başlayıb.
Salon, səudiyyəli qadınlarda böyük marağ doğurub.
Ekspozisiyanın əsas hissəsini az yanacağ sərf edən avtomobillər təşkil edir. Ziyarətçi xanımlara isə yalnız qadınlar xidmət göstərirlər. Avtosalonun açıldığı ticarət mərkəzinin özünü belə qadınlar idarə edirlər. Burada fəaliyyət göstərən restoranların əməkdaşları və bütün kassirlər də xanımlardır.
Qeyd edək ki, ötən ilin sentyabrında kral Salman ibn Əbdül-Əziz əl Səud qadınlara kişilərlə bərabər səviyyədə sürücülük vəsiqəsi almağa icazə verən fərman imzalayıb. Buna qədər Səudiyyə Ərəbistanı dünyada yeganə ölkə idi ki, qadınlar maşın sürmək üçün sürücülük vəsiqəsindən məhrum idilər.
