Avtoreyd.az bildirir ki, Çinin Şensi əyalətindən olan yanğın söndürənlər dayanacaqdakı 40-dan çox yanan skuteri uğurla söndürə biliblər.
Lakin belə xoşagəlməz hadisənin necə və hansı səbəblərdən baş verməsi müşahidə kamerasının lentə aldıqlarına baxdıqdan sonra bəlli olub. Sən demə yanğın, özünü döyüş sənəti ustası zənn edən oğlan üzündən baş verib.
O, dayanacaqda park edilən skuterlərdən birinin oturacağına yanan şam qoyub, sonra isə əl hərəkətləri ilə odu söndürməyə çalışıb. Görünür, uşaq elə düşünüb ki, o, ovuclarından çıxan enerji ilə buna nail olacaq.
Əfsuslar olsun ki, bu fəndin alınmadığı oğlanı məyus edib və uşaq oradan uzaqlaşıb. Lakin şamı söndürməyi unudub. Tez bir zamanda yayılan alova görə dəcəl uşağın valideynləri, onun bu əyləncəsi üçün indi 15000 dollardan çox pul ödəməli olacaqlar.
