Avtoreyd.az bildirir ki, Çinin Quyçjou əyalətində donuzları daşıyan yük avtomobili yolda hərəkət edərkən, yol sürüşkən olduğundan, sürücü idarə etməni itirib.
Böyrü üstə düşən nəqliyyat vasitəsinin kuzovundan yola 30-dan çox heyvan düşüb. Maraqlısı odur ki, onlardan heç biri xəsarət almayıb, sadəcə hadisə yerinin yaxınlığında dolaşmağa başlayıb.
Hadisə yerinə gələn polis donuzları tutmalı və geriyə yəni yük maşınına qaytarmalı olub. Lakin bu, elə də asan olmayıb, çünki heyvanlar geri qayıtmağa elə də həvəsli olmayıblar.
Sonda yük maşını normal vəziyyətə qaytarılıb, bütün tutulan donuzlar isə yenidən kuzova doldurulub və nəqliyyat vasitəsi öz yoluna davam edib.
