Bakının Nəsimi rayonunda işıqforun qırmızı işığında keçən avtomobil qəza törədib.
AvtoReyd.Az “Report”a istinadən xəbər verir ki, “90-AR-681” dövlət qeydiyyat nişanlı “Tofaş” markalı avtomobili idarə edən 1990-ci il təvəllüdlü Novruzəliyev Abdulkərim Müzəffər oğlu Cəlil Məmmədquluzadə küçəsi ilə hərəkətdə olarkən, işıqforun qırmızı işığında keçib.
Nəticədə o, Bakıxanov küçəsində hərəkətdə olan “Audi” markalı avtomobilə çırpılıb. Qəza zamanı A.Novruzəliyev ağır bədən xəsarətləri alaraq 1 saylı Kliniki Tibbi Mərkəzə yerləşdirilib.
Hər iki avtomobil deformasiyaya uğrayıb.
Faktla bağlı Nəsimi Rayon Polis İdarəsində araşdırma aparılır.
