Avstraliyada küçələrdə avtomobil yarışına çıxanlarla belə mübarizə aparırlar (Video)

Avtoreyd.az bildirir ki, Avstraliyanın Viktoriya ştatının polisi küçədə avtomobil yarışına çıxan səkkiz avtomobili müsadirə edərək, onları sözün əsl mənasında məhv edib. Ştatda küçə yarışmalarının aşkar edilməsi və qarşısının alınması ilə 2015-ci ilin noyabrında yaradılmış “Taskforce Regarder” operativ qrupu məşğul olur. Bugünə kimi operativ qrupun əməkdaşları tərəfindən 55 sürücü cəzalandırılıb və 24 avtomobil müsadirə olunaraq, məhv edilib. Məhv edilən avtomobillər arasında Nissan Skyline R33, Nissan Silvia S13 və Holden Ute kimi məşhur modellər var. Xuliqanlıqda təqsirli bilinən şəxslərin maşınlarının müsadirəsindən başqa, onlar 2000 Avstraliya dolları məbləğində cərimə olunub, sürücülərdən bəziləri isə uzun müddətə sürücülük hüququndan məhrum olunub. Yarışmaların təşkilatçıları isə həbs edilib. Qeyd edək ki, “Taskforce Regarder” operativ qrupu xəfiyyələrdən, yol polisi zabitlərindən və gizli çalışan agentlərdən ibarətdir.

Avtoreyd.az