Avtomobili qaçırılmadan qorumağın müxtəlif üsulları var. Amma Volkswagen Transporter miniveninin sahibi öz avtomobilini qorumaq üçün çox qeyri-adi üsul seçib-üzərinə paslı örtük çəkməklə. Bundan sonra çətin ki, kimsə bu “görkəmdə” olan avtomobili oğurlamaq fikrinə düşə.
Qaçırılmaya qarşı ən yeni vasitə- pas şəklində olan nazik vinil pərdəsi sayəsində, avtomobili çox bərbad gündə görsənir!
Avtoreyd.az bildirir ki, belə örtüyü əldə etmək üçün avtomobilin sahibi rəssamlara minivenin bütün ölçülərini dəqiqliyi ilə təqdim edib.
Bu da rəssamlara təbii yolla yaranan həqiqi paslı avtomobil modeli hazırlamağa imkan verib.
Onlar hər şeyi ən xırda detallarına kimi nəzərə alıblar.
Lakin avtomobil sahibi buna görə polislə problem yaşayıb. Uzun müddət hətta, qanun keşikçilərinə bunun yalnız vinil örtüyü olduğunu izah etməli olub.
Həqiqətən, avtomobilin belə zahiri görünüşü hər kəsi dolaşdıra bilər. Amma əsas odur ki, bu, oğruları çaşdırsın və qorxutsun.
