Şəmkirdə iki avtomobil toqquşub.
AvtoReyd.Az ARB TV-yə istinadən xəbər verir ki, hadisə Bakı-Qazax yolunun 390-cı kilometrliyində, Şəmkirin Çinarlı kəndi ərazisində qeydə alınıb.
Ricat Qafarovun idarə etdiyi “Toyota” markalı avtomobil Elçin Böyükkişiyevin idarə etdiyi “Volkswagen” markalı maşınla toqquşub.
Qəza nəticəsində hər iki avtomobilin sürücüsü və “Volkswagen”də olan sərnişin 26 yaşlı Əsgər Sadıqov yüngül xəsarət alıblar.
İlkin məlumata görə, “Volkswagen” Bakı istiqamətində hərəkətdə olarkən, “Toyota” ehtiyat yoldan magistrala çıxmaq istəyib və toqquşma da bu zaman baş verib.
Faktla bağlı araşdırma aparılır.
