Yaponiya paytaxtında fəaliyyət göstərən kafelərdən birində, içkiləri hazırlayan və paylayan Sawyer adlı təkəlli robot işləyir.
AvtoReyd.Az-ın məlumatına görə,robotun əsas işi avtomatda ödənilən qəbzi skan etmək, müştərini nəzakətlə salamlamaq, qəhvə dənələrini üyüdərək kağız filtrə tökmək və sifariş edilən içkini hamıdan daha yaxşı hazırlamaqdan ibarətdir. Amerikanodan başqa təkəlli robot kapuçino, latte, isti şokolad və yaşıl çay da hazırlaya bilir.
Tokionun işgüzar rayonu Sibuyada açılan “Henna Cafe”də yəni “Qəribə kafe”də çalışan Sawyer, eyni zamanda beş nəfərə xidmət göstərə bilir. İçkinin hazır olacağını gözləyən müddətdə müştərilər selfi də edirlər.
Kafenin sahibləri iddia edirlər ki, belə innovasiya həm müştəriləri əyləndirməyə, həm də sərfəli qiymətə əla keyfiyyətli içkilər təqdim etməyə imkan verir.
Orta hesabla 3 dollara başa gələn qəhvə fincanının hazırlanması cəmi bir neçə dəqiqə çəkir.
