Avtomobilin kapotunun altında qəribə səs eşidib, onu qaldırdıqda təhlükəli qonaqla qarşılaşdı (Video)

İş dalınca getməyə hazırlaşan Tayçay Konqnimit fikrindən daşınmalı olub.AvtoReyd.Az-ın məlumatına görə,buna səbəb isə böyük kral kobrasıdır. Tailanddan olan 55 yaşlı kişi maşınının kapotunun altından qəribə səs eşitdikdə, təhlükə ilə üz-üzə qalacağını heç ağlına belə gətirməyib. Lakin özünü itirməyən avtomobil sahibi vəziyyətə cəld reaksiya verərək, kapotu anındaca sürətlə örtüb, sonra isə mütəxəssisləri çağırıb. Avtomobildə yerləşməyə qərar verən 4,5 metrlik kobra oradan müvəffəqiyyətlə çıxardılıb. İlan ovçuları sürünəni uzaq məsafəyə apararaq, təbiətə buraxıblar. Eyni zamanda onlar bildiriblər ki, çox nadir hallarda belə böyük kobra ilə qarşılaşırlar.

AvtoReyd.Az