ABŞ-da sürücü salonda antiperspirant spreyindən istifadədən sonra siqaret yandırmaq istədikdə partlayış baş verib.
AvtoReyd.Az-ın məlumatına görə,hadisə ABŞ-ın Merilend ştatındakı Baltimor şəhərində restoranlardan birinin avtomobil dayanağında baş verib.Belə ki, sürücü bədən üçün aerozoldan istifadə etdikdə heç ağlına da gəlməyib ki,adi prosedur real təhlükəyə çevrilə bilər.
Yerli polisin apardığı araşdırmalar nəticəsində müəyyən olub ki,aerozoldan istifadə etdikdə avtomobilin pəncərələri bağlı olub və kondisioner işləyib.Kişi alışqanı yandırdıqda parlayış baş verib.Nəticədə avtomobilin şüşələri sınıb,damı və qapıları əyilib.Sürücü möcüzə nəticəsində sağ qalsa da, ağır şəkildə yaralanıb.
