Bakı Metropoliteni” yeni metro qatarını sərnişinlərin istifadəsinə verib. Qatarda bir çox yeniliklər və innovativ üstünlüklər var.
Xezerxeber.az-ın məlumatına görə, yeni qatar əvvəlki modellərə nisbətən daha genişdir. Bu da vaqonların sərnişin tutumunu artırır. Ancaq yeni qatarın üstünlüyü bununla bitmir.
Yeni qatar 5 vaqondan ibarətdir və vaqonların arasında sərnişinlər üçün keçid var. Vaqonlara informasiya sistemləri, həmçinin müasir elektron və interaktiv monitorlar quraşdırılıb.
“Bakı Metropoliteni”nin mətbuat xidmətinin rəhbəri Nəsimi Paşayev növbəti qatarın da yaxın vaxtlarda gətiriləcəyini deyib.
Nəsimi Paşayev metropolitendə aparılan tikinti işləri ilə bağlı da məlumat verib. Onun sözlərinə görə, “Bənövşəyi xətt”in B3 adlanan stansiyasında, eləcə də “Dərnəgül” elektrik deposunda tikinti işləri sürətləndirilib.
Mövzu ilə bağlı daha ətraflı videomaterialı təqdim edirik:
