Yoldan çıxan avtomobil dərəyə düşüb.
Xezerxeber.az-ın məlumatına görə, qəzada 1 nəfər ölüb, 3 nəfər isə yaralanıb. Ağır qəza Bakı-Qazax avtomagistralının Yevlax rayonu ərazisindən keçən hissəsində baş verib. Yol-nəqliyyat hadisəsi zamanı minik maşınında olan 4 nəfər təcili yardım avtomobili ilə Yevlax rayon xəstəxanasına çatdırılıblar. Onlardan 62 yaşlı Alidə Cəfərovanın həyatını xilas etmək mümkün olmayıb. İlkin məlumatlara görə, magistralda hərəkətdə olan zaman avtomobilin təkəri partlayıb. Nəticədə maşın idarəetmədən çıxıb və dərəyə düşüb. Faktla bağlı araşdırma aparılır.
Qəza ilə bağlı görüntünü təqdim edirik:
