Daşkəsən rayonunda sərnişin mikroavtobusu qəzaya uğrayıb.
“Report”un Qərb bürosunun məlumatına görə, mikroavtobus Daşkəsən-Gəncə yolunun 18 km-də “VAZ-2106” markalı avtomobillə toqquşub.
Nəticədə 6 nəfər xəsarət alıb,onlardan biri 11 yaşlı qız, digəri isə 6 yaşlı oğlan uşağıdır.
Qəza zamanı xəsarət alan 1965-ci il təvəllüdlü Verdiyeva Zərqələm, Əliyev Çapay (1957), Allahverdiyev Zahid (1964) və Qurbanov Elşən (1967) Gəncə şəhər Təcili Tibbi Yardım Xəstəxanasına, adları hələ ki, məlum olmayan iki azyaşlı isə Gəncə şəhər 2 saylı Uşaq Xəstəxanasına çatdırılıb.
Yaralıların vəziyyəti orta-ağır qiymətləndirilir. Qəza nəticəsində “VAZ-2106” markalı avtomobildə olan 3 nəfərdən biri yüngül xəsarət alıb. Ona hadisə yerində ambulator yardım göstərilib.
