Sabirabadda 36 yaşlı kişini qatar vuraraq öldürüb.
Xezerxeber.az-ın məlumatına görə, hadisə ötən gün axşam saatlarında rayonun Zalqarağac kəndi ərazisindən keçən dəmiryol xəttində baş verib.
Kənd sakini, 36 yaşlı Rahil Cavadov xəttin üzərində olarkən onu qatar vurub. Müxtəlif dərəcəli ağır bədən xəsarətləri alan kənd sakini Şirvan şəhər mərkəzi xəstəxanasına çatdırılıb. Həkimlərin səylərinə baxmayaraq, 3 uşaq atası olan Rahil Cavadovun həyatını xilas etmək mümkün olmayıb.
Lənkərandakı qəza da ölümlə nəticələnib. Hadisə Ələt-Astara magistral yolunun rayonun Digah kəndi ərazisindən keçən hissəsində baş verib. Avtomobil ilə motosiklet toqquşub. Toqquşma zamanı motosikletdə olan Qurban Abbasov və Samir Şiriyev yaralanıb. Hər iki yaralı Lənkəran Rayon Mərkəzi Xəstəxanasına çatdırılıb. Motosikletin sürücüsü Qurban Abbasovun vəziyyəti daha ağır olduğundan onun həyatını xilas etmək mümkün olmayıb. O, xəstəxanada həyatını itirib. Meyit müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran rayon şöbəsinə təhvil verilib. Faktla bağlı araşdırma aparılır.
Mövzu ilə bağlı daha ətraflı videomaterialı təqdim edirik:
