Bakıda məşhur müğənninin avtomobili qarət edilib.
Xezerxeber.az-ın məlumatına görə, Azərbaycanı 2014-cü ildə ”Avroviziya” mahnı müsabiqəsində təmsil edən Dilarə Kazımovanın başına bu hadisə ötən gecə gəlib.
Dilarə Kazımovanın sözlərinə görə, paytaxtın Səbail rayonu Teymur Elçin küçəsində yaşadığı binanın qarşısında naməlum şəxs ”90- OH- 527” dövlət nömrə nişanlı maşınının şüşəsini sındıraraq ”bardaçok” dan 2 min manat pul və xeyli əşya oğurlayıb.
Dilarə Kazımova hadisə ilə bağlı dərhal Daxili İşlər Nazirliyinin ”102 Zəng Mərkəzi”nə məlumat verib. Hadisə yerinə Səbail rayon polis idarəsinin əməkdaşları gələrək avtomobildə olan əl və barmaq izlərini götürüblər. Müğənni isə avtomobilini servisə apararaq sınmış şüşəsini təmir etdirib.
Səbail rayon polis idarəsindən ”Xəzər Xəbər”ə verilən məlumata görə, hələlik hadisə ilə əlaqədar saxlanılan yoxdur. Cinayətkarın yaxalanması istiqamətində əməliyyat-axtarış tədbirləri görülür.
Mövzu ilə bağlı daha ətraflı videomaterialı təqdim edirik:
