Bakıda yüksək sürətlə hərəkətdə olan avtomobil idarəetmədən çıxaraq su kanlına düşüb.
AvtoReyd.Az “Report”a istinadən xəbər verir ki, hadisə Sabunçu rayonunun Sovxoz Ramanı kəndi ərazisində baş verib.
Belə ki, 90-MB-227 dövlət qeydiyyat nişanlı “Mercedes” markalı avtomobil yüksək sürətlə hərəkətdə olan zaman idarəetmədən çıxaraq su kanalına düşüb. Hadisə yerinə Təcili Tibbi Yardım Stansiyasının həkimləri və Yol Patrul Xidmətinin əməkdaşları cəlb olunub.
Qəza nəticəsində sürücü və avtomobildə olan sərnişinin yaralandığı və təcili yardım maşını ilə xəstəxanaya çatdırıldığı bildirilib.
Faktla bağlı araşdırmalara başlanılıb.
