Zaqatala rayonunda ölümlə nəticələnən yol qəza hadisəsi olub.
Xezerxeber.az-ın məlumatına görə, rayon sakini Güloğlan Alxazov sərxoş halda idarə etdiyi avtomobillə rayon ərazisində hərəkətdə olarkən idarəetməni itirib və avtomobil yolun kənarindakı işıq dirəyinə çırpılıb. Nəticədə avtomobildə olan sərnişin Uluxan Məmmədov hadisə yerində ölüb, digər sərnişin Fəridə Məmmədova isə müxtəlif dərəcəli bədən xəsarətləri alıb.
Faktla bağli rayon polis şöbəsinin istintaq bölməsində cinayət işi başlanıb, müvafiq ekspertizalar təyin edilib. Aparılmış tədbirlər nəticəsində Güloğlan Alxazov şübhəli şəxs qismində tutularaq istintaqa cəlb olunub.
Hazırda iş üzrə istintaq tədbirləri davam etdirilir.
