Bakıda turist icarəyə götürdüyü avtomobillə qəza törədib.
AvtoReyd.Az ARB TV-ə istinadən xəbər verir ki, bu gecə Bakı şəhəri Nəsimi rayonu ərazisində yol nəqliyyat hadisəsi qeydə alınıb.
Bəhreyn vətəndaşı Səid Həsən kirayə götürdüyü “KİA” markalı avtomobillə Abbasqulu Ağa Bakıxanov küçəsində orta yolla hərəkətdə olarkən, qəfil sola dönmə əməliyyatı edib. Bu zaman sol yolla hərəkət edən “Nissan” “KİA” ya çırpılıb.
Qəza zamanı avtomobillər deformasiyaya uğrayıb. Hadisə yerinə yol polisi əməkdaşları gəliblər. Sürücülərin ifadələri alınıb. Avtomobillər cərimə meydançasına aparılıb.
Faktla əlaqədar araşdırmalara başlanılıb.
