Ağsuda minik avtomobilinin piyadaları vurması ölümlə nəticələnib.
Xezerxeber.az-ın məlumatına görə, ağır qəza Ağsu rayonunun Çiyni kəndində baş verib. Kürdəmir sakini, 57 yaşlı Hamlet Xəlilov idarə etdiyi minik avtomobilində sükana nəzarəti itirib və maşın yoldan çıxaraq dayanacaqda avtobus gözləyən iki nəfər Gəncə sakinini, 53 yaşlı Edvard Əliyev və 45 yaşlı Alim Babayevi vurub.
Alim Babayev aldığı ağır xəsarətlərdən hadisə yerində dünyasını dəyişib. Edvard Əliyev isə Ağsu rayon Mərkəzi Xəstəxanasına çatdırılıb.
Sabirabadda baş verən qəzada da piyada dünyasını dəyişib. Rayonun Azadkənd kənd sakini 49 yaşlı Hikmət Məmmədov yolu keçərkən mebel daşıyan yük avtomobili tərəfindən vurulub.
Ağır kəllə-beyin travması alan piyada Şirvan Şəhər Xəstəxanasına yerləşdirilib. Lakin həkimlərin səyinə baxmayaraq onun həyatını xilas etmək mümkün olmayıb. Hər iki faktla bağlı araşdırma aparılır.
Mövzu ilə bağlı daha ətraflı videomaterialı təqdim edirik:
