199 saylı marşrut avtobusunda gediş haqqı kartla əvəzləndiyindən sərnişinlər balans yükləmək problemi ilə qarşılaşıblar.
Xezerxeber.az-ın məlumatına görə, marşrut xətti üzrə dayanacaq var, amma karta pul yükləmək olmur.
Bir çox sərnişin karta balans yükləmək üçün dayanacaqlarda “Bakı kart” aparatlarının olmadığını deyirlər.
Marşrut avtobuslarının sürücüləri də sərnişinlərin karta gediş haqqı yükləməkdə çətinlik çəkdiklərini təsdiqləyir və dayanacaqların sayının artırılmasını təklif edirlər.
Məsələ ilə bağlı Bakı Nəqliyyat Agentliyindən bildirdilər ki, 199 saylı marşrut avtobusu üçün yeni dayanacaqlar yaradılacaq. Dayanacaqlarda kart yükləmək üçün aparatlar da quraşdırılacaq. Artıq prosesə başlanıb və qısa zamanda sərnişinlər yeniliklərdən faydalana biləcəklər.
