Minik avtomobilinin aşması ölümlə nəticələnib.
AvtoReyd.Az Xezerxeber.az-a istinadən məlumat verir ki, ağır qəza ötən axşam İsmayıllının İvanovka kəndində baş verib. Kənd sakini Vasili Kazkov idarə etdyi minik avtomobili ilə rayon mərkəzindən İvanovkaya qayıdarkən sükana nəzarəti itirib və maşın yoldan çıxaraq aşıb. Avtomobildə olan sərnişin- 28 yaşlı Vladimir Skokov hadisə yerində dünyasını dəyişib. Sürücü və 2 nəfər sərnişin-46 yaşlı Olek Arlov və 45 yaşlı Vladimir Yemilankov isə müxtəlif bədən xəsarətləri ilə İsmayıllı rayon mərkəzi xəstəxansına yerləşdiriliblər.
Şəmkir də ölümlə nəticələnən ağır yol-nəqliyyat hadisəsi baş verib. Hadisə rayonun Düyərli kəndi ərazisində qeydə alınıb. Bakı şəhər sakini Vüqar Vəliyevin idarə etdiyi minik avtomobili Abşeron rayon sakini Mais Mirzəyevin minik maşını ilə toqquşub.
Sürücü Mais Mirzəyev və sərnişini Rəsul Əliyev hadisə yerində dünyasını dəyişib. Digər sürücü Vüqar Vəliyev və bir nəfər sərnişin isə müxtəlif bədən xəsarətləti ilə xəstəxanaya yerləşdiriliblər.
Ağstafada baş verən qəzada isə 5 nəfər xəsarət alıb. Rayonun Poylu kənd yolu ilə hərəkətdə olan 2 minik avtomobili toqquşub. Qəza zamanı 5 nəfər xəsarət alıb. Onlardan üçü, Poylu kənd sakini Qiyas Dəmirov, Həsənsu kənd sakini Hüseyn Əliyev və Ağstafa sakini Məhəmməd Əliyev müxtəlif xəsarətlərlə Tovuz Rayon Mərkəzi Xəstəxanasına yerləşdiriliblər. Hər üç yaralının vəziyyətinin qənaətbəxş olduğu bildirilir. Daha iki nəfərə isə ambulator yardım göstərilib.
Hər üç faktla bağlı araşdırma aparılır.
Mövzu ilə bağlı daha ətraflı videomaterialı təqdim edirik:
