Yaponiya 2020-ci il üçün yeni nəsil uçan avtomobillərin istehsalı üçün bütün lazımı dəstəyi aldığını bəyan edib.
AvtoReyd.Az Publika.az-a istinadən xəbər verir ki, yeni hazırlanacaq layihə üçün bir sıra nəhəng şirkətlər əməkdaşlığa hazır olduqlarını bildiriblər. Belə ki, layihənin reallaşması üçün artıq iş prosesinə start verilib.
Məşhur şirkətlərdən “Uber”, “Yaponiya Hava Yolları”, “Airbus”, “Boeing”, “NEC”, “Toyota”, “ANA”, “Yamato” və s. digər şirkətlər uçan avtomobillər üçün yol xəritəsinin hazırlanmasında bir araya gələcəklər.
Ölkənin iqtisadiyyat, ticarət və sənaye nazirliyi tərəfindən “uçan avtomobillərin” ehtiyat hissələrinin istehsalı üçün özəl sektora 40,4 milyon dollarlıq vəsait ayıracağını deyib.
Sözügedən avtomobillərin 2020-ci ildən etibarən satışa çıxarılacağı planlaşdırılır.
