Qırmızı Körpü sərhəd-keçid məntəqəsində bədbəxt hadisə baş verib.
AvtoReyd.Az Yenicag.az-a istinadən xəbər verir ki, İran İslam Respublikasının vətəndaşı yoxlanış zamanı idarə etdiyi iri həcimli yük maşınının mühərrikini söndürməyib. Sürücünün diqqətsizliyi nəticəsində yük maşını öz-özünə hərəkət edib. Nəticədə təxminən 20-21 yaşlarında olan gizir həlak olub. Verilən məlumata görə, əslən Xaçmaz rayonundan olan gizir Süleymanovun tərxis olunmasına 25 gün qalmışdı.O, maşının altında qalaraq keçinib.
—————————————————————————————————-
Digər yeni bir məlumat isə ondan ibarətdir ki, bədbəxt hadisəyə səbəb olan maşın İran İslan Respublikasına məxsus olsa da, sürücüsü Gürcüstan vətəndaşı olub.
Bundan başqa bir neçə insanın yaralandığı, maşınların əzildiyi bildirilir.
Hadisə yerinə FHN-in əməkdaşları və təcili tibbi yardım maşınları cəlb olunub.Şahidlərinin bildirdiyinə görə, qəza nəticəsində yaralananlar arasında azyaşlı da var.
Faktla bağlı araşdırma davam edir.
