Ötən gecə Rusiyanın Stavropol bölgəsində yol-nəqliyyat hadisəsi baş verib.
BAKU.WS Rusiya KİV-ə istinadən xəbər verir ki, Azərbaycandan Rusiyaya sərnişin daşıyan “Mersedes” markalı avtobus “Qazel” markalı avtomobillə toqquşub.
Hadisə Moskva vaxtı ilə saat 05:10-da baş verib.
Bakıdan Krasnodara doğru hərəkət edən avtobus qarşıdan gələn avtomobilin yoluna çıxıb.
Avtobusda 33 sərnişin və iki sürücü olub. Hadisə zamanı avtobusun iki sərnişini və “Qazel”in sürücüsü xəsarət alıb.
Qəzanın səbəbi kimi avtobus sürücüsünün yorulub sükan arxasında yuxuladığı ehtimal edilir.
Faktla bağlı araşdırmalar aparılır.
