Tərtər rayonunda yol qəzası baş verib.
AvtoReyd.Az “Report”un Qarabağ bürosuna istinadən verdiyi məlumata görə, hadisə rayonun Xoruzdu kəndi ərazisində qeydə alınıb.
Belə ki, “VAZ-2107” markalı minik avtomobili ilə “Belarus” markalı traktor toqquşub. Nəticədə minik avtomobilinin sürücüsü Elçin Mehdiyev və sərnişinləri – Ramal Mehdiyev, Qərənfil Mehdiyeva və İradə Məmmədova müxtəlif dərəcəli bədən xəsarətləri alaraq Bərdə Rayon Mərkəzi Xəstəxanasının Travmatologiya şöbəsinə yerləşdiriliblər. Yaralıların vəziyyəti orta-ağır qiymətləndirilir.
Faktla bağlı araşdırma aparılır.
