Bakı şəhərinə 70 ədəd “Avro 6” emissiyalı müasir avtobuslar gətiriləcək. Bu barədə “Xaliq Faiqoğlu” MMC öz facebook səhifəsində məlumat yayıb.
Məlumatda bildirilir ki. şirkət bu barədə tədbirlərini davam etdirir: “”Xaliq Faiqoğlu” MMC beynəlxalq maliyyə institutu olan “Avropa Yenidənqurma və İnkişaf Bankı” ilə əməkdaşlığa başlayıb və iyul ayının 12-də bununla bağlı əməkdaşlıq müqaviləsi imzalayıb. Müqavilə çərçivəsində şirkət Bakı şəhərinə 70 ədəd Avro 6 emissiyalı müasir avtobuslar gətiriləcək”.
Şirkətdən qeyd ediblər ki, sərnişinlərin rahatlığı üçün şirkətin istismarında olan avtobuslarda Wi-Fi xidmətinin tətbiqinə başlanıb və yaxın vaxtlarda 164 ədəd avtobusda sərnişinlərə ödənişsiz internet xidməti təqdim olunacaq.
