“Əhməd Kadırov” adına regional ictimai fond yüngül çəkidə UFC çempionu Həbib Nurməhəmmədova “Mercedes W222” markalı avtomobil hədiyyə edib. AvtoReyd.Az bildirir ki, bu barədə Nurməhəmmədovun yaxın dostu, MMA döyüşçüsü Şamil Zavurov İnstagram səhifəsində yazıb.
“Bizim çempionumuz Həbib Nurməhəmmədov qardaşı Ramzan Kadırovdan bax belə hədiyyə alıb. Nə yaxşı ki, o sərhədə qədər bizi şəxsən yola saldı”, -deyə idmançı qeyd edib.
Bundan başqa, Ramzan Kadırov Nurməhəmmədova Qroznının fəxri vətəndaşı adını verib.
