19.03.2019-cu il tarixində İmişli-Saatlı yolundan Məmmədov İlqar İmamverdi oğlunun mülkiyyətində olan “KAMAZ” markalı dövlət nömrə nişanı 11-BC-626 nəqliyyat vasitəsi “AZSIĞORTA” ASC-də mülki məsuliyyəti sığortalanmış sürücünün törətdiyi yol-nəqliyyat hadisəsi nəticəsində 9 426 (doqquz min dörd yüz iyirmi altı) manat məbləğində zədələnmişdir.
Hadisə ilə bağlı DİN Baş İstintaq və Təhqiqat İdarəsi tərəfində müvafiq yoxlama aparılıb, toplanmış materialların surəti, o cümlədən “İcbari sığortalar haqqında” Azərbaycan Respublikası Qanununun 17-ci maddəsində göstərilən digər sənədlər “AZSIĞORTA” ASC-yə təqdim olunub.
Lakin bunlara baxmayaraq, “AZSIĞORTA” ASC zərərçəkmişlə ədalətli rəftar etməyib, sığorta hadisəsi ilə bağlı zərərini vaxtında və ədalətli qiymətləndirməyib, sığorta tələbi üzrə sığorta ödənişinin mümkün olan ən tez müddət ərzində ödəniıməyib.
O cümlədən vətəndaş, “AZSIĞORTA” ASC tərəfindən lüzumsuz olaraq dəfələrlə bölgədən Bakı şəhəri çağırılıb və üzləşdiyi haqsızlıqlarla bağlı rəhbər şəxlərlə görüşə bilməyib.
Bununla bağlı vətəndaş “AZSIĞORTA” ASC-ni və “UNITED ENTERPRISES AZƏRBAYCAN” MMC (“Gilan Holding” Şirkətlər Qrupu) ni Bakı Şəhəri Yasamal Rayon Məhkəməsinə verilib.
Xatırladaq ki, bu barədə AvtoReyd.Az -a hüquqşünas-ekspert Ilkin Ibrahimov məlumat verib.
