Belarus və Rusiya nəqliyyat əlaqələrinin mərhələli şəkildə bərpa etmək üçün fəaliyyət planı hazırlamaq barədə razılığa gəliblər.
AvtoReyd.Az Rusiya mətbuatına istinadən xəbər verir ki, bu barədə məlumatı Belarusun Nəqliyyat və Kommunikasiya Nazirliyinin mətbuat xidməti yayıb.
Məlumatda deyilir ki, 31 avqustda Moskvada Belarus və Rusiyanın sanitariya-epidemioloji xidmətinin nümayəndələri arasında Belarus Nəqliyyat Nazirliyinin aviasiya departamenti direktorunun iştirakı ilə danışıqlar aparılıb.
“Müzakirələr zamanı ölkələr arasında hava əlaqəsinin bərpası ehtimalı ilə bağlı növbəti addımlar işlənib hazırlanıb. Beləliklə, iki ölkənin nümayəndələri arasında nəqliyyat əlaqələrinin mərhələli şəkildə bərpası, həmçinin “Rospotrebnadzor” və Belarus Səhiyyə Nazirliyinin Sanitariya və Epidemioloji Xidməti ilə yanaşmaların koordinasiyası üzrə fəaliyyət planının hazırlanmasına dair protokol imzalanıb”, – məlumatda deyilir.
