Avtoreyd.az bildirir ki, dördyaşlı Ceydan Smart həftədə otuz saat motosikletlə məşq edir. Balaca idmançı artıq motosiklet yarışı üzrə iki qızıl medala da sahibdir.
“Mən motosiklet sürməyi sevirəm, çünki hündürə tullanmaqdan və müxtəlif fəndlər etməkdən xoşum gəlir”, – dördyaşlı motosikletçi Ceydan Smart belə deyir.
“Mən hələ Ceydanın bir yaşı olanda bilirdim ki, o, motosikl sürməyə hazırdır. Uşaq, motosikl və ya velosiped görən kimi dərhal minməyə çalışırdı, – bunu balaca motosikletçinin atası Patrik Smart deyir.
Ceydanın iki yaşı tamam olanda valideynləri uşağa əsl mini-motosikl hədiyyə ediblər.
Ceydan Smart artıq iki ildir ki, məşq edir və yerli yarışlarda çıxış edir. Baxmayaraq ki, özündən yaşca böyük uşaqlarla yarışmalı olur, lakin yenə də qalib gəlir.
