Mercedes-Benz şirkəti təmtəraqlı Vision Mercedes-Maybach 6 Cabriolet elektrik avtomobilini təqdim etdi. AvtoReyd.Az xəbər verir ki,iki nəfərlik kabrioletin uzunluğu 6 metrə yaxın,mühərriki isə 750 at gücünə malikdir.
Avtomobilin uzunluğu 5.7 metr, eni – 2,2 metr və hündürlüyü – 1,34 metr təşkil edir.
Avtomobil 4 saniyə ərzində yüzə qədər sürətini artıra bilər, bu halda maksimal surət saata 250 kilometr təşkil edir.
Elektromobil 350 KVT-a qədər gücü ilə işləmək imkanı və CCS (sabit cərəyan) standartının yükləmə qurğusunu malikdir. Beləliklə, beş dəqiqəlik yükləmə avtomobilə 100-kilometr məsafəni qət etməyə imkan verəcək.
Hal-hazırda şirkət avtomobilin seriyalı istehsalatı planlaşdırmır.
