Avtoreyd.Az Dörd çarx Tovuzda 3 istiqamət üzrə avtomobil yolları yenidən qurulur – VIDEO / FOTO

Tovuzda 3 istiqamət üzrə avtomobil yolları yenidən qurulur – VIDEO / FOTO


“Azəravtoyol” ASC Tovuz rayonunda strateji əhəmiyyətə malik 3 istiqamətdə avtomobil yollarının yenidən qurulması işləri aparır.

AvtoReyd.Az quruma istinadən xəbər verir ki, söhbət Ağdam, Yuxarı Öysüzlü, Əlibəyli və Hacalı kəndlərinə gedən avtomobil yollarından gedir.

Tovuz-Ağdam-Yuxarı Öysüzlü-Əlibəyli-Hacalı avtomobil yolunun ümumi uzunluğu 11 km təşkil edir. Layihə üzrə yol 4 və 5-ci texniki dərəcələrə uyğun olaraq yenidən qurulur.

Tovuz-Ağdam və Əlibəyli-Hacalı kəndlərini birləşdirən yolların ümumi eni 10 metr təşkil edir. Bura 6 metr enində hərəkət hissə və hər bir istiqamət üzrə 2 metr enində çiyinlər daxildir. Ağdam-Yuxarı Öysüzlü kəndlərini birləşdirən yolun hərəkət hissəsinin eni 4.5 metr və hər bir istiqamət üzrə 1.75 metr enində çiyinlər olmaqla ümumi eni 8 metr təşkil edir.

“Əvvəllər torpaq və çınqıl örtüklü olan yollarla vətəndaşların xüsusən payız-qış mövsümündə gediş-gəliş xeyli çətinləşirdi. Vətəndaşların üzləşdikləri bu problemi aradan qaldırmaq üçün “Azəravtoyol”un həyata keçirdiyi layihə çərçivəsində zəruri olan yerlərdə yolun yararsız quruntu qazılaraq çıxarılır, əvəzinə xüsusi material tökülərək kipləşdirmə işləri aparılır, yeni yol yatağı və yol əsası inşa olunur. Yolun hazır olan hissələrində isə artıq asfaltlanma işlərinə də başlanılıb. 11 km uzunluğunda olan yolun 7 km-lik hissəsinə 1 qat olmaqla yeni asfalt-beton örtük döşənib. Ümumilikdə yolun 60 min m2-dən çox sahəsinə 2 qat olmaqla yeni asfalt-beton örütüyü döşənəcək.

Layihə çərçivəsində Ağdam-Yuxarı Öysüzlü kəndləri arasında Tovuz çayı üzərində yeni avtomobil körpüsü də inşa edilir. Körpünün ümumi uzunluğu 45 metr, eni isə 4.5 metr təşkil edəcək. Sözügedən ərazidə körpünün tikintisi ilə rayon mərkəzinə məsafə dəfələrlə qısalacaq.

Körpünün yaxınlığında 50 metr uzunluğunda və 4 metr hündürlükdə istinad divarları da inşa edilir. Bundan başqa layihə çərçivəsində yolun altından suların ötürülməsi üçün 29 ədəd müxtəlif ölçülü dəmir-beton boruların tikintisi işləri də aparılır.

Əsaslı təmir işləri tamamilə başa çatdıqdan sonra yola 46 ədəd məlumatverici lövhələr və yol nişanları quraşdırılacaq.

Tovuz-Ağdam-Yuxarı Öysüzlü-Əlibəyli-Hacalı avtomobil yolunun yenidən qurulması ilə 4 yaşayış məntəqəsinin minlərlə əhalisinin gediş-gəlişini rahatlaşacaq, yük və sərnişin daşınması xeyli asanlaşacaq, – deyə məlumatda qeyd edilib.

Related Post

Balakən-Qazbinə-İtitala avtomobil yolu yenidən qurulur – VİDEO / FOTOBalakən-Qazbinə-İtitala avtomobil yolu yenidən qurulur – VİDEO / FOTO

Respublika ərazisində kəndlərarası və qəsəbələrarası avtomobil yolların yenidən qurulması və tikintisi layihələrinin davam etdirilməsi ilə bağlı Azərbaycan Avtomobil Yolları Dövlət Agentliyi tərəfindən mühüm tədbirlər həyata keçirilir. Agentliydən AvtoReyd.Az-a verilən məlumata görə, Balakən rayonunda da bu tədbirlər çərçivəsində 2017-ci ildə 44

Qobustan-Poladlı yolunun yenidən qurulması yekunlaşır (Video+Foto)Qobustan-Poladlı yolunun yenidən qurulması yekunlaşır (Video+Foto)

Yol infrastrukturunun müasir səviyəyə çatdırılması nəqliyyat əlaqələrinin yaxşılaşdırılmasında, həmçinin bölgələrdə iqtisadiyyatın və kənd təsərrüfatının inkişafında mühüm rol oynayır. Yolların müasir səviyyədə yenidən qurulması həm yük və sərnişin daşımasını xeyli yaxşılaşdırır,