AvtoReyd.Az-ın məlumatına görə, hadisə noyabr ayının 24-dən 25-nə keçən gecə saat təqribən üç radələrində Bakının Nizami rayonu ərazisində yerləşən Rüstəm Rüstəmov küçəsi üzü Bakıxanov qəsəbəsi istiqamətində düz işıqforun qarşısında baş verib.
90-UP-398 dövlət nömrə nişanlı göy rəngli Chevrolet və 99-KV-165 dövlət nömrə nişanlı qara rəngli Nissan Teana avtomobilləri toqquşub. Qəza nəticəsində xəsarət alan olmasa da, nəqliyyat vasitələrinə ciddi ziyan dəyib. İlkin ehtimala görə sürücülərdən biri içkili vəziyyətdə olub.
Hadisə yerinə gələn Bakı şəhər DYP-nin əməkdaşları sürücünün spirtli içki qəbul edib-etmədiyini müəyyən etmək üçün ona tibbi müayinəyə götürülməli olduğunu bildiriblər. Həmin şəxs avtomobilin sahibi olduğunu desə də, amma maşını özü idarə etmədiyini bildirib.
Ən maraqlısı odur ki, polis çəkilişin aparılmasına mane olub.
