Avtoreyd.az bildirir ki, Bollywooddan ilhamlanan, Freddie Mercury sayağı bığ saxlayan 38 yaşlı Ranjeet Singh, Hindistanın İndaur şəhərində yaşayır. Sosial şəbəkədə əsl fenomenə çevrilən polisin 50 000 nəfər izləyicisi var. İnsanlar, 2 milyon əhalisi olan şəhərdə, hər gün yol hərəkətini Michael Jacksonun məşhur “Ay yerişi”ni təqlid etməklə tənzimləyən 38 yaşlı polis Ranjeet Singhin, xaotik nəqliyyat axınında necə böyük ustalıqla, yük avtomobilləri və rikşalardan yayındığını maraqla izləyirlər.
Uzun illər ərzində Michael Jacksonun fanatı olduğunu deyən 38 yaşlı polis, 12 ildir ki, yol hərəkətini məşhur “Ay yerişi” ilə tənzimlədiyini bildirib. Əvvəlcə bunun insanlarda təccüb doğurduğunu bildirən Ranjeet Singh, sonralar şəhər əhalisi arasında məşhurlaşdığını qeyd edib.
