Son dövrlər ölkəmizdə avtomobillərə qaz avadanlıqının quraşdırılmasına maraq artıb. Bu avadanlıqlarda yaranan nasazlıq isə avtomobilin qısa müddətdə alışmasına və partlamasına səbəb olur. Bəs görəsən sürücülər bu cür təhlükələrdən qorunmaq üçün nələrə diqqət etməlidir ?
Hərəkətdə olan avtomobil anidən dayanır, bir anda parlayış baş verir və avtomobil yanır.
Bu hadisə Rusiyada qazla işləyən avtombildə baş verib. Belə görüntülər sosial şəbəkələrdə olduqca çoxdur. Ölkəmizdə də avtomobillərə qaz avadanlıqlarının quraşdırılmasına maraq artdığından bu kimi qəzaların baş verməməsi üçün sürücülərin nələrə diqqət etməli olması məsələsi gündəmə gəlir.
Mütəxəssislər bildirir ki, yalnız keyfiyyətsiz və qeyri peşəkarlar tərəfindən quraşdırılan avadanlıqlar problemə səbəb ola bilər. Standarta uyğun qurulan müasir avadanlıqlarda alışma və partlama ehtimalı yoxdur.
Yüksək təzyiqlə vurulduğu üçün metan qazla işləyən avtomobillərdə partalyış daha çox olur. Propan qaz avadanlığının quraşdırılması zamanı hətta qəza riski də nəzərə alınır və zəmanət verilir.
Qeyd edək ki, avtomobillərə qaz avadanlıqları qənaət məqsədilə quruşdırılır və beniznlə işləyən maşına nisbətən yanacağa 50-65 faizə qədər qənaət etməyə imkan verir.
