Metronun ”Dərnəgül” stansiyasında nəqliyyat mübadilə mərkəzi yaradılıb. Yeni mərkəzdən gün ərzində 100-dən çox avtobus sərnişinlərə xidmət göstərəcək. Mübadilə mərkəzinin istifadəyə verilməsi ilə Azadlıq Metrosu ətrafındakı tıxac problemi də həll olunacaq
Bakıda daha bir Nəqliyyat mübadilə mərkəzi yaradılıb. Metronun “Dərnəgül” stansiyası ətrafında nəqliyyat mübadilə mərkəzi fəaliyyət göstərəcək. Metronun giriş-çıxışlarındakı asfalt örtüyü və piyada səkiləri təmir olunub,nişanlar qoyulub.
Yeni mərkəzin fəaliyyətə başlaması ilə ətraf kənd və qəsəbələrdən metronun “Azadlıq” stansiyasına gələn marşrut xətlərinin son dayanacaq məntəqəsi dəyişdirilərək yeni mərkəzə köçürüləcək.
Mərkəzdən 3, 88, 93, 45, 71 nömrəli avtobuslar şəhər daxili, 100, 108, 147, 179, 123, 134 nömrəli avtobuslar isə sərnişinlərə şəhərətrafı xidmət göstərəcək
Bakı Nəqliyyat Agentliyinin təklifi əsasında yaradılan mərkəz yaxın günlərdə tam olaraq fəaliyyətə başlayacaq.
