Avtoreyd.az bildirir ki, Formula-1 komandası Haas dünya çempionatının yeni mövsümü üçün bolidini nümayiş edib. VF-18 adı verilən avtomobil, pilotun başının qorunması sistemi Halo (ingilisdən tərcümədə “halə” deməkdir) ilə təchiz edilən ilk yarış avtomobilidir.
Yeni maşın əvvəlki VF-17 bolidinin təkamülüdür. VF-18-də daha bir gözə çarpan dəyişiklik, halə ilə yanaşı avtomobilin arxa hissəsində üzgəcin olmamasıdır.
Haas-ın 2018-ci il mövsümündə pilotları qismində Roman Qrojan və Kevin Maqnussen çıxış edəcəklər.
VF-18 ilk dəfə fevralın 26-da Barselonada keçirilən qış sınaq testlərinin birinci günündə yola çıxacaq. Formula-1 mövsümü martın 22-də Avstraliyada start götürəcək.