Avtoreyd.Az Dörd çarx “Bibiheybət” yolunda təmir-bərpa işləri bitib – FOTO

“Bibiheybət” yolunda təmir-bərpa işləri bitib – FOTO


Avtonəqliyyat vasitələrinin rahat hərəkətini təmin etmək istiqamətində yollar boyu aparılan kompleks tədbirlər çərçivəsində Azərbaycan Avtomobil Yolları Dövlət Agentliyi tərəfindən “Bibiheybət” məscidi istiqamətindən şəhərə tərəf olan yolda aparılan təmir-bərpa işləri yekunlaşdırılıb.

Azərbaycan Avtomobil Yolları Dövlət Agentliyindən AvtoReyd.Az-a verilən məlumata görə, yolun təqribən 430 metrlik hissəsinin 8500 kv.m-lik ərazisini əhatə edib. Bu ərazidə yolun hərəkət hissəsində eninə və uzununa çatlar, həmçinin asfalt-eton örtüyündə deformasiyalar müşahidə olunurdu. Bu isə öz növbəsində avtonəqliyyat vasitələrinin rahat və təhlükəsiz şəkildə hərəkətinə maneə yaradırdı. Təmir-bərpa işləri ilə bu problem tam olaraq aradan qaldırılıb.

İşlər çərçivəsində sözügedən hissədə köhnə asfalt-beton örtüyünün üst qatı frezlənərək kənara daşınıb, yararsız qrunt 2-3 metr dərinlikdə qazılaraq çıxarılıb, 11 min kub.m həcmdə yararlı karxana materialı ilə əks dolğu işləri görülərək kipləşdirilib və yeni yol yatağı inşa edilib.

Bunun ardınca tikinti norma və standartlarına uyğun olaraq lazımi qarışıqlardan istifadə olunmaqla 36 sm hündürlükdə və 4500 kv.m sahədə alt və üst lay olmaqla yeni yol əsası salınıb. Torpaq işləri bitəndən sonra 8500 kv.m əraziyə 3 laydan ibarət iri və xırda dənəli yeni asfalt-beton örtüyü döşənib.

Bundan başqa səth sularının kənarlaşdırılması üçün təmir-bərpa işləri aparılan ərazi boyu dəmir-beton küvetlər, həmçinin yeraltı suların ötürülməsi üçün nəzərdə tutulmuş drenaj borular bərpa edilib.

Təmir-bərpa işləri tərtib olunmuş qrafikə uyğun birbaşa Dövlət agentliyinin rəhbərliyinin nəzarəti altında aparılıb. Bunun üçün əraziyə lazımi sayda qüvvə cəlb olunmuşdu.

Related Post

Kamera var, amma haranı çəkdiyi bilinmir – Söhbət avtobuslara quraşdırılan kameralardan gedir – VİDEOKamera var, amma haranı çəkdiyi bilinmir – Söhbət avtobuslara quraşdırılan kameralardan gedir – VİDEO

Paytaxda fəaliyyət göstərən marşurut avtobuslarından birində kamera sərnişin və sürücünü çəkmir. Kameranın obyektivi avtobusun tavanını baxır. Həmin görüntünü sərnişinlərdən biri çəkərək ”XəzərXəbər”in votsap nömrəsinə göndərib. Müşahidə kamerası sərnişinləri və sürücünü